Manuel Aragón Reyes, catedráticu eméritu de Derechu Constitucional de la Universidá Autónoma de Madrid, y maxistráu eméritu del Tribunal Constitucional, va impartir el próximu xueves, 26 de xineru, a les 12:30 hores nel Paraninfu del Edificiu Históricu, la conferencia "El futuru de la xusticia constitucional", nel marcu de la iniciativa Espacio Fundamento.

 

Manuel Aragón forma parte del grupu de Madrid", amestáu al maxisteriu del apocayá fináu y tamién caderalgu de Derechu Constitucional Francisco Rubio Llorente. Conferenciante habitual, ye autor de más de dos centenares d'artículos y llibros, reconocíu especialista en Xusticia constitucional, derechos fundamentales, control constitucional y parllamentariu y Estáu constitucional democráticu. Coles mesmes, ta consideráu como unu de los constitucionalistas españoles vivos más influyentes n'Europa y Llatinoamérica.

 

A la so actividá académica, Manuel Aragón sumó tamién una prolífica actividá pública como subdireutor y director del Centru d'Estudios Constitucionales, presidente del Conseyu Económico y Social de la Comunidá Autónoma de Madrid, conseyeru d'Estáu y maxistráu del Tribunal Constitucional ente 2004 y 2013. Coles mesmes, fuéron-y impuestes les Medayes de la Orde del Méritu Constitucional y de San Raimundo de Peñafort.

 

Solicítase confirmación d'asistencia nel corréu: rebeca.fuouniovi.es o nel teléfonu: 985 10 49 27.