Conversaciones ente'l cine y l'Universidá. Ye'l títulu de la nueva collaboración ente'l Festival Internacional de Cine de Xixón y l'Universidá d'Uviéu, al traviés de la so Vicerrectorado d'Estensión Universitaria y Proyección Internacional y la Cátedra Leonard Cohen. Mientres cuatro díes, l'Aula Magna de la Escuela Politécnica d'Inxeniería de Xixón, va acoyer conferencies de cineastes, productores y profesores como Juan Gona, Javier Tolentino o Jesús Palacios.

 

Les conferencies, gratuites y abiertes a tolos públicos, van empezar el día 21 col periodista Javier Tolentino (El Séptimu Viciu de Radiu 3) y la charra El cine de Abbas Kiarostami.  El día 22 va ser el momentu d'analizar La influencia del Quixote nel cine col productor Juan Gona y el profesor de Universidad Pablo Carbajal. Tres la charra proxectaráse la película El caballeru Don Quixote, de Manuel Gutiérrez Aragón.

 

El críticu y escritor Jesús Palacios va falar del Terror nel cine'l día 23, y a otru día, el 24 de noviembre, ta programada la conferencia La influencia de la música nel cine, con Emiliano Allende, director del Festival de Cine y de la Selmana Internacional de la Música de Medina del Campu, y el profesor y críticu musical Alejandro González Villalibre.

 

Toles conferencies van desenvolver na Sala de Xuntes del Aulariu Sur de la Escuela Politécnica d'Inxeniería de Xixón. La proyección de la película El caballeru Don Quixote va tener llugar na Aula Magna de la EPI.