La Universidá d'Uviéu y la Cátedra Leonard Cohen quieren espresar la so más fondu pésame pol fallecimientu del poeta y cantautor que da nome a la cátedra universitaria, quien morrió esti vienres a la edá de 82 años. 

 

Artista referencial y artífiz d'un legáu musical y lliterario de valor incalculable, en 2011 participaba en diversos actos entamaos por esta Universidá coincidiendo cola entrega del Premio Príncipe d'Asturies de les Lletres. Nel intre de los mesmos dio amuesa d'una sorprendente humildá nun artista de la so talla, estimando amás l'atención que los estudiantes y l'institución amosaben a la so obra. Pero non solo eso, yá que Cohen tamién demostró un gran altruísmu al dexar la cuantía de dichu galardón a esta Universidá, dando pie a la creación de la Cátedra que lleva güei el so nome y que los sos oxetivos son, amás d'incentivar la conocencia y l'espardimientu de la so obra, programar actividaes culturales en redol a la creación poético y musical.

 

Ye por ello que la Universidá d'Uviéu y la Cátedra Leonard Cohen quieren amosar la so pesar pola desapaición del artista, estimando una vegada más la so arrogancia. Tanto la so obra artística como los sos valores van siguir sirviendo d'exemplu ya inspiración tantu en quien tuvieron la suerte de conoce-y como nes futures xeneraciones.