El martes 15 de noviembre celebrarán les elecciones al Claustru Universitariu. L'horariu de votaciones va ser de 10 a 19 hores. Na páxina web de les elecciones pueden consultase los colexos que tán exentos de votación por tener igual o menor númberu de candidatos que puestos a cubrir. Coles mesmes, puede consultase l'alcuerdu de la Xunta Electoral Central de cambéu d'allugamientu de les meses d'Uviéu de los colectivos b1, b2, b3 y c2 que van votar nel Edificiu Severu Ochoa del Campus d'El Cristu. Nel Departamentu d'Economía Cuantitativa nun se tienen que celebrar elecciones por arrenunciar un candidatu.

 

Un total de 24.522 universitarios, según el censu provisional, tán convocaos a les elecciones y van poder votar nuna trentena de meses electorales. El Claustru ye'l máximu órganu de representación de la comunidá universitaria (artículu 47.1 de los Estatutos de la Universidá d'Uviéu). Ta formáu pol rector, la secretaria xeneral, el xerente y trescientos miembros escoyíos d'ente los distintos sectores de la comunidá universitaria. Les elecciones al claustru convoquen cada cuatro año y la so xunta ordinaria en plenu celébrase, siquier, una vegada al añu.

 

Correspuende al Claustru la reforma total o parcial de los estatutos de la Universidá, conocer les sos llínees xenerales d'actuación, proponer iniciatives al Conseyu de Gobiernu, aldericar l'informe añal sobre la institución presentáu pol rector, escoyer al defensor universitariu, y convocar elecciones estraordinaries a rector, ente otres competencies.

 

Por colectivu, el claustru ta compuestu por 165 representantes del sector A, profesores doctores con vinculación permanente; 30 representantes del sector B, integráu pol restu del personal docente ya investigador (12 representantes del colectivu B1, profesores con vinculación permanente funcionarios non doctores; 13 representantes del colectivu B2, personal docente ya investigador ensin vinculación permanente a tiempu completu; y 5 representantes del colectivu B3, personal docente ya investigador ensin vinculación permanente a tiempu parcial); 75 representantes del Sector C, integráu por estudiantes (72 estudiantes de grau o master o de primeru y segundu ciclu, y 3 representantes d'estudiantes de doctoráu y tercer ciclu); y, finalmente, 30 representantes del sector D, correspondiente al personal d'alministración y servicios.