El rector de la Universidá d'Uviéu, Santiago García Granda, defendió esta mañana una mayor flexibilidá nes titulaciones ya itinerarios académicos, y más  participación de los estudiantes y autonomía pa los centros. Santiago García Granda realizó estes declaraciones mientres la inauguración de la xunta ordinaria de la Conferencia de Decanos de Psicoloxía que se desenvuelve ente güei y mañana na Aula Clarín de LAUDEO, nel Edificiu Históricu de la Universidá.

El rector, que dio la bienvenida a los decanos y amosó el so prestu pol fechu de qu'Uviéu acueya la conferencia, destacó mientres la so intervención la importancia d'esaniciar barreres burocrátiques na universidá y abogó pola unión interregionales pa potenciar les instituciones universitaries. Santiago García Granda añedió que les universidaes precisen tresmitir enfotu pa recibir inversiones y apostó tamién por fomentar la transversalidad non solo ente les árees de conocencia, sinón tamién ente la universidá y la sociedá pa treslladar valores sociales y personales a los estudiantes.

Los decanos de les universidaes españoles van encetar mientres estos dos díes cuestiones como la regulación del grau de Psicoloxía , los criterios d'analises del rendimientu del SIIU (Sistema Integráu d'Información Universitaria) o'l  Suplementu Européu al Títulu. A la inauguración acompañaron al rector, ente otres personalidaes, el  decanu de la Facultá de Psicoloxía de la Universidá d'Uviéu, Marcelino Cuesta; y el decanu del Colexu Oficial de Psicólogos del Principáu d'Asturies, Ramón Jesús Vilalta.