La Universidá d'Uviéu y l'Asociación Española d'Asesores Fiscales (AEDAF) suscribieron un conveniu de collaboración destináu fundamentalmente a desenvolver programes de formación y proyectos conxuntos nel ámbitu nacional ya internacional. L'alcuerdu foi robláu pol rector de la Universidá d'Uviéu, Vicente Gotor, y el presidente de la entidá, Eduardo Luque.

L'Asociación Española d'Asesores Fiscales arrexunta a los titulaos universitarios especializaos en materia fiscal que se dediquen preferentemente al asesoramientu tributariu. Ente los sos oxetivos atópase impulsar la formación permanente d'alta calidá, alcuentros profesionales y publicaciones especializaes. 

El conveniu cola Universidá d'Uviéu tien como oxetivu establecer un marcu de cooperación nos ámbitos formativos, científicos y técnicos d'interés común. Ente otres actuaciones, prevese desenvolver impartición de cursos nos que pueda participar l'asociación, promoción de proyectos y llínees d'investigación en materia d'interés común y asesoramientu en cuestiones rellacionaes coles actividaes desenvueltes per dambes partes.