La Universidá d'Uviéu acoyó esta mañana la presentación de la XXVIII Campaña Antártica del Exércitu de Tierra. El rector, Vicente Gotor, presidió l'actu celebráu na Aula Magna del Edificiu Históricu acompañáu pol Xeneral Xefe de la División d'Operaciones del Exércitu de Tierra, xeneral de brigada Fernando García González-Valerio. El Xestor del Programa Nacional d'Investigación Polar, Antonio Quesada de la Corrolada de la Universidá Autónoma de Madrid y el xefe de la Base Antártica Española del  Exércitu de Tierra, "Gabriel de Castiella", comandante  José Pablo Sanchez Lacalle va esponer los trabayos a desenvolver na presente edición. Al actu tamién allegaron el Delegáu del Gobiernu n'Asturies, Gabino de Lorenzo, y la directora xeneral d'Universidaes del Principáu, Miriam Cueto.

La Campaña Antártica del Exércitu de Tierra d'anguaño destaca pola participación de científicos de 12 países que van collaborar na realización de 15 proyectos, ente los que ta'l llamáu "Pegasu", que va estudiar la interacción ente organismos marinos y l'atmósfera pa ver la formación de nubes.

El director del proyectu científicu de la campaña, Antonio Quesada esplicó los distintos proyectos marinos y terrestres que van desenvolver nesta ventiavu octava misión en tierres de l'Antártica, que la so llabor científicu va enllargar mientres más de cien díes. Na campaña, na qu'intervien el buque d'investigación oceanográfica Hespérides, participen 160 persones que se van allugar nos dos bases que tien España na Antártica, "Gabriel de Castiella", asitiada na Isla Decepción, y "Juan Carlos I", na isla Livingston.

Pela so parte el Xefe de la XXVIII Campaña Antártica del Exércitu de Tierra, el Comandante José Pablo Sánchez Lacalle, destacó que la presencia del Exércitu de Tierra nel Polu Sur respuende al oxetivu de caltener la presencia física na Antártida, caltener les instalaciones en condiciones d'empléu pa facilitar los llabores d'investigación, collaborar col Ministeriu d'Economía na investigación científica y llevar a cabu parte del interés específicu del Exércitu de Tierra nel continente xeláu rellacionaos coles telecomunicaciones y la sanidá.

La Universidá d'Uviéu desenvolvió investigaciones en distintos campos venceyaes cola Antártida dientro de les llínees d'investigación que promueve el Cluster d'Enerxía Medioambiente y Cambéu Climáticu del Campus d'Excelencia Internacional.