La Comisión Sectorial d'Estudiantes del Grupu, que s'axuntó esta selmana na Universidá d'Uviéu, va proponer que les titulaciones ensin llende de places tean exentes de prueba específica d'Accesu
El G-9 d'Universidaes pretende afitar criterios comunes sobre l'Accesu y Almisión a la universidá a partir del añu 2017 y llevar la propuesta al senu de la Rede Universitaria d'Asuntos Estudiantiles (RUNAE) como documentu marco, tal que se punxo de relieve na xunta celebrada n'Uviéu. Ente les idees que va recoyer esi futuru documentu, va figurar que toa titulación que nun tenga dificultá d'accesu, tocantes a places, va tar exenta de prueba específica d'Accesu.
Coles mesmes, va realizase una ponderación de les asignatures de Bachilleratu que tean rellacionaes col Grau al que l'estudiante deseye aportar, y va apostase por realizar prueba específica d'Accesu a los alumnos provenientes de Formación Profesional, ampliable a alumnos de centros que nun impartan asignatures que se consideren imprescindibles p'aportar a titulaciones de Grau determinaes.
Per otru llau, les Universidaes del Grupu 9 d'Universidaes aprobaron na so xunta d'Uviéu'l Reglamentu de la VII Lliga d'Alderique Interuniversitario del G-9, que se va celebrar n'abril de 2015 en Zaragoza.
