La Biblioteca del Edificiu Históricu de la Universidá foi l'escenariu de la postrera les conversaciones del ciclu Tazones con Hestoria con Joseph Pérez, Premio Príncipe d'Asturies de Ciencies Sociales. Mediu centenar d'asistentes compartieron café y charra col galardonáu, nuna sesión que llevaba por títulu De xudíos ya Inquisiciones.

L'historiador hispanu francés foi recibíu pol rector de la Universidá d'Uviéu, Vicente Gotor, el vicerrector d'Estensión Universitaria y Comunicación, Vicente Domínguez, y el director de la Biblioteca, Ramón Rodríguez.

Nel intre del actu el profesores del Departamentu de Historia Fernando Pumar y María Álvarez fueron los encargaos de falar con Pérez, quien trazó de manera bien certera la figura y el papel del Cardenal Cisneros na España del sieglu XVI.  L'historiador tamién aludió al papel y el calter del inquisidor Fernández Valdés Salas, fundador de la Universidá d'Uviéu.

En rematando'l café con Joseph Pérez, el director de la Biblioteca, Ramón Rodríguez, amosó al galardonáu dalgunos de los volumes que se guarden na institución académica sobre esta dómina y que revelen, por casu, los sistemes de censura. El broche final al actu poner la interpretación en directu d'un cantar tradicional sefardín.