John Banville, Premio Príncipe d'Asturies de les Lletres 2014,  caltuvo esta mañana un alcuentru con alumnos y profesores de la Facultá de Filosofía y Lletres nel que defendió la so personalidá múltiple".  "Toos somos dos persones distintes, el tipu que sale de la cama del so amante yá nun ye'l mesmu cuando s'atopa na cai al so mayor enemigu", señaló l'autor de novela negra que robla sol pseudónimu de Benjamin Black.

Banville foi recibíu a les puertes de la Biblioteca del Campus d'Humanidaes pol vicerrector d'Estudiantes, Luis Rodríguez, y la decana, Cristina Valdés. Per espaciu de casi una hora Banville compartió escenariu y respondió a les entrugues de dos profesores y dos alumnes de la facultá: Juan Tazón, Lluz Mar González, Jennifer Galligan y Ángela Suárez. L'actu foi moderáu por Socorru Suárez.

El Premiu Príncipe de les Lletres confesó que al escribir novela negra facer nel ordenador, de forma rápida, con voluntá de ser bon artesanu y coles mires de que que nun queden rexistros de cómo foi creándose la obra ente que, como Banville, redacta con pluma "y frase a frase".

Al términu del actu l'autor d'El estrañu casu del Dr. Banville y Mr. Black afayó una placa que conmemora la so visita a la Facultá y recibió una miniatura de la mesma. El distintivu va ser asitiáu al pie de los que conmemoren la presencia d'otros galardonaos nel campus como Leonard Cohen, Martha Nussbaum y Antonio Muñoz Molina.