El combináu universitariu va xugar esta temporada na categoría de plata del baloncestu español sofitáu pola empresa asturiana.
La Universidá d'Uviéu y l'empresa Tartiere Autu S.L. suscribieron un conveniu de collaboración pal patrociniu del equipu de baloncestu femenino de la institución académica asturiana, que compite na categoría de plata nacional.
El rector, Vicente Gotor, y el conseyeru delegáu de Tartiere Autu, Jesús M. Fernández-Jardón Fernández, roblaron l'alcuerdu esta mañana nel despachu oficial del Rectoráu. Al actu tamién asistieron el delegáu del Rector pa Deportes y Salú, Miguel del Valle, el director de vientes d'Audi, Iñigo Tartiere, y el director de vientes de Volkswagen, Alejandro Canga.
L'aportación económica del alcuerdu supon una donación de 6.000 euros añales per parte de la empresa pa fomentar la promoción del equipu universitariu de baloncestu femenino.
La collaboración ente la Universidá y Tartiere Autu pretende dar proyección a la práctica deportiva y los vezos saludables, una de les señes d'identidá de la política de responsabilidá corporativa. Na actualidá, la Universidá d'Uviéu participa en competiciones federaes d'una decena de disciplines deportives, ente les que s'atopa'l baloncestu femenino.
