Un grupu d'alumnes de Bachilleratu del IES Galiléu Galilei de Navia alzóse cola victoria na fase nacional del concursu Incubadora de Sondeos y Esperimentos celebrada na Universidá de Granada a principios de xunetu. El trabayu ganador realizaba un pormenorizáu analís de La factura de la lluz. 

Na categoría d'alumnos d'alumnos de la ESO la representación asturiana quedó en segundu llugar col estudiu Toos somos intelixentes ellaboráu por alumnos del IES Númberu 1 de Xixón y qu'analiza matemáticamente la intelixencia artificial.

El concursu Incubadora de Sondeos y Esperimentos ta entamáu pol Departamentu d'Estadística ya Investigación Operativa y Didáctica de la Matemática de la Universidá d'Uviéu cola collaboración de la Conseyería d'Educación Cultura y Deporte del Principáu. Un total de siete comunidad autónomes tomaron parte na final celebrada en Granada dempués d'escoyer a los sos representantes nes fases autonómiques. 

Incubadora de Sondeos y Esperimentos pretende fomentar la enseñanza y aprendizaxe de la estadística nos niveles educativos non universitarios por que los alumnos vaigan familiarizándose cola estadística y colos procesos de recoyida y analís de datos y la posterior toma de decisiones tres la so interpretación.