La Universidá d'Uviéu y Banco Santander, al traviés de la so División Global Santander Universidaes, anovaron la so collaboración, especialmente enmarcada nel Campus d'Excelencia Internacional de la institución académica. L'alcuerdu foi robláu por Vicente Gotor, rector de la Universidá d'Uviéu, y Emilio Botín, presidente de Banco Santander.

Ente les iniciatives destaca'l sofitu al funcionamientu del Cluster de Biomedicina y Salú del CEI de la Universidá d'Uviéu, que potencia la excelencia con cinco línea d'investigación: xenómica (rellacionada col cáncer y l'avieyamientu); desenvolvimientu y dexeneración cerebral; medicina rexenerativa, tresplantes ya implantes; desenvolvimientu de fármacos y l'investigación en producción d'alimentos y tecnoloxía alimentaria.  

El bancu, al traviés de Santander Universidad España, va sofitar amás la puesta en marcha del Observatoriu Marín d'Asturies, que va axuntar tola investigación científica rellacionada col mar, promoviendo la collaboración institucional en temes rellacionaes cola biodiversidá marina, les especies invasores, el cambéu climáticu y la tecnoloxía aplicada al medios marín. Y va siguise sofitando les actividaes del Centru Internacional de Posgráu, Ad Futurum, el proyectu de Campus d'Excelencia Internacional de la Universidá d'Uviéu.

El númberu de beques de práctiques en pymes va doblar hasta algamar a 200 universitarios y tamién van aumentar les ayudes predoctorales

El rector y el presidente del Grupu Santander anunciaron amás que'l númberu de Beques Santander de Práctiques en PYMES pa la Universidá d'Uviéu va doblar hasta algamar les 200 ayudes. Amás, el profesores ya investigadores de la institución académica van poder beneficiase de beques predoctorales d'investigación, con estancies de 3 meses n'universidaes de too el mundu. La institución académica asturiana va siguir participando n'otros programes, como les Beques Fórmula Santander y les Beques Iberoamérica pa estudiantes de Grau. 

va sofitase la participación de profesores visitantes -nacionales y estranxeros- nel Master Universitariu y de Programes de Doctoráu, xestionáu pel Centru Internacional de Posgráu de la universidá. El so oxetivu ye implementar estudios de posgráu dobles con universidaes estranxeres de reconocíu prestíu, fomentando la participación de profesionales procedentes del mundu empresarial na docencia tantu teórica como práctica.

van fomentase les nueves tecnoloxíes de la información y les comunicaciones aplicaes a la docencia. Y va emitise n'esclusiva la Tarxeta Universitaria Intelixente (TUI), qu'ufierta a la comunidá universitaria diversos servicios como la xestión de préstamos bibliotecarios, tarjeta monedero, identificación, xestión d'accesos, etc. El presidente de Banco Santander apurrió la primer tarxeta al rector mientres la firma del conveniu.

Al actu asistieron en representación de la Universidá d'Uviéu l'equipu rectoral y per parte de Banco Santander, José Antonio Villasante, director xeneral y director de la División Global Santander Universidaes; Enrique García Candeles, director xeneral Santander España; Víctor García López, director territorial d'Asturies; Pedro Alonso Gil, director de Santander Universidad España, y Alfredo Albáizar, director axuntu de Santander Universidad España.

Banco Santander, al traviés de Santander Universidaes collabora cola Universidá d'Uviéu dende 2005 y caltien más de 1.100 alcuerdos de collaboración con universidaes y centros d'investigación de too el mundu. Dende 1996, Santander Universidaes destinó más de 1.000 millones d'euros a diverses iniciatives y proyectos universitarios. 

En 2014, Banco Santander va sofitar col so mecenalgu l'III Alcuentru Internacional de Rectores Universia, que va axuntar en xunetu en Ríu de Janeiro, Brasil, a más de 1.100 rectores y presidentes d'universidaes de too el mundu.