La nueva aplicación dexa consultar les notes de la PAU y aportar a distintos servicios y canales como corréu electrónicu, campus virtual, redes sociales y axenda, ente otros
La Universidá d'Uviéu punxo a disposición de tolos miembros de la comunidá universitaria una nueva App, coincidiendo cola publicación de les notes de la convocatoria de xunu de la PAU. L'aplicación yá ta disponible pa Android, y llueu tamién lo tará pa IOS. Puede descargase pinchando nel siguiente enllaz:
Descarga App Universidá d'Uviéu
La App, diseñada pel Centru d'Innovación de la Universidá d'Uviéu, dexa a los usuarios aportar a múltiples servicios como'l corréu electrónicu, el campus virtual, accesu al llistáu d'asignatures nes que tea matriculáu un estudiante o la consulta de les notes de la PAU. Pa tener accesu a toa esta información l'usuariu tendrá d'identificase col so usuariu y contraseña.
Dalgunos de los conteníos de la nueva App son d'accesu llibre, como la consulta de dUO (Diariu de la Universidá d'Uviéu), accesu a l'axenda d'eventos, les noticies institucionales y el calendariu académicu. Amás, l'aplicación dexa aportar al directoriu de profesores y ufierta la posición de les principales sedes universitaries.
