L'amuesa SABLE. Un paséu poles sableres d'Asturies puede visitase dende güei na sala d'esposiciones del Centru Cultural d'Estensión Universitaria LAUDEO (Edificiu Históricu) y propón al visitante un percorríu por más d'un centenar de sableres asturianes al traviés de los sos sables. La esposición foi inaugurada pol rector, Vicente Gotor, que tuvo acompañáu pol comisariu de l'amuesa, Luis Miguel Rodríguez Terente, el decanu de la Facultá de Xeoloxía, Lope Caleya, y el director del Departamentu de Xeoloxía, Carlos López.

SABLE: Un paséu poles sableres d'Asturies puede visitase de manera gratuita hasta'l póximo 30 de mayu na sala d'esposiciones del Edificiu Históricu. L'horariu d'apertura ye de llunes a vienres, de 11:00 a 14:00 y de 17:00 a 20:30; y los sábados, de 10:00 a 13:00. La entrada ye llibre pa tol públicu comenenciudu.

L'oxetivu principal de l'amuesa ye que'l visitante pueda somorguiase nos bien diversos tipos, formes y colores de los sables que componen les nueses sableres. Que pueda tamién conocer ya imaxinar el so orixe, acomuñáu siempres a l'acción fluvial y marino sobre les roques de la redolada, ensin escaecer la inevitable intervención humana. Que pueda apreciar, d'últimes, cómo cada granu de sable cúntanos una hestoria.