La sentencia fai referencia a la demanda presentada pol Conceyu d'Uviéu contra la desestimación de la solicitú de personase nel espediente de supresión de la Escuela de Mines | El xulgáu contenciosu alministrativu númberu 1 d'Uviéu señala que la institución académica actúa como solicitante n'ese expediente y nun cometió irregularidá dalguna nin provocó indefensión al Conceyu d'Uviéu | Amás, la sentencia recueye que tuvo llugar una fase d'información pública y que la entidá local participó
La xusticia sofita, una vegada más, l'actuación de la Universidá d'Uviéu nes acciones realizaes para llevar a cabu'l treslláu de los estudios de minería a la Escuela Politécnica de Mieres. Nesta ocasión, el xulgáu contenciosu alministrativu númberu 1 d'Uviéu refugó'l recursu presentáu pol Conceyu d'Uviéu énte esti tribunal contra la desestimación de la solicitú de personación nel espediente de supresión del Centru.
La sentencia reflexa que la universidá actúa como solicitante y que nun cometió irregularidá dalguna nin provocó indefensión al conceyu, y añede que l'espediente foi sometíu a información pública. Amás, señala que conceyu “nun identifica o concreta qué intereses o derechos o mires lexítimes o amparables sos resultaríen afectaos negativamente pol treslláu del centru académicu o universitariu en cuestión a otru campus universitariu alcontráu n'otru conceyu.”
El pasáu 7 de mayu, el xulgáu contenciosu alministrativu númberu 6 d'Uviéu tornó'l recursu presentáu pol Colexu Oficial d'Inxenieros de Mines del Noroeste d'España y l'Asociación Think Tank Escuela Mines Uviéu 2050 contra'l treslláu de los estudios de minería a la Escuela Politécnica de Mieres. Na demanda, l'asociación y l'órganu colexal impugnaben el cambéu de los cinco planes d'estudiu que s'impartíen na Escuela.
Trés meses antes, el 19 de febreru, el xulgáu contenciosu alministrativu númberu 2 d'Uviéu tornaba tamién el recursu presentáu pol Conceyu d'Uviéu contra'l treslláu de los estudios de minería a la Escuela Politécnica de Mieres. La sentencia reflexaba que la universidá siguiera escrupulosamente el procedimientu fayadizu pa esti tipu d'actuaciones y que'l treslláu de los estudios nun suponía nengún perxuiciu pa la ciudá d'Uviéu. Amás, resolvía la falta d'interés lexítimu per parte del conceyu en cuestiones de cambéu de planes d'estudiu.
Tanto la sentencia del 7 de mayu como la del 19 de febreru fueron recurríes per parte del Colexu Oficial d'Inxenieros de Mines del Noroeste d'España y l'Asociación Think Tank Escuela Mines Uviéu 2050 y del Conceyu d'Uviéu, respectivamente. El consistoriu tamién puede interponer recursu contra la sentencia fecha pública güei.
