Un total de 5088 estudiantes -2910 muyeres y 2178 homes- esamínense anguaño n'Asturies de la Prueba d'Evaluación de Bachilleratu para l'Accesu a la Universidá (EBAU) na so convocatoria ordinaria, que se va desenvolver ente'l martes, 4 y el xueves, 6 de xunu. Anguaño inscribiéronse 319 estudiantes más que l'añu pasáu, nel que se matricularon 4769. Les pruebes van llevar a cabu en 17 allugamientos, asitiaes n'Uviéu, Xixón, Avilés, Mieres, Llangréu, Ribesella, Cangas, L.luarca y Tapia de Casariego. Trés estudiantes van realizar la prueba nes aules universitaries del HUCA. La convocatoria de xunetu va tener llugar ente los díes 8 y 10.

Les sedes van ser les siguientes: 

Uviéu

Aulariu A – Campus d'Humanidaes. 
Edificiu Departamental-Campus d'Humanidaes.
Aulariu Sur – Facultái d'Economía y Empresa. 
Aulariu Norte – Facultái d'Economía y Empresa.
Aulariu de Ciencies Xurídicu-Sociales. Facultá de Derechu.

Xixón

Aulariu Sur – Campus de Xixón.
Aulariu Norte – Campus de Xixón.
Edificiu Polivalente – Campus de Xixón.

Avilés

IES Nº5.
IES Ramón Menéndez Pidal.
IES Carreño Miranda.

Mieres

Campus de Mieres. IES Bernaldo de Quirós.

Llangréu

IES Jerónimo González. Sama de Llangréu.

Oriente

IES Avelina Cerra. Ribesella.

Suroccidente

IES Cangas.

Occidente

IES Marqués de Casariego. Tapia.
IES Carmen y Severu Ochoa. L.luarca.

Los estudiantes de Bachilleratu tendrán d'esaminase de les cuatro asignatures, que constitúin la fase d'accesu, cursaes en segundu de Bachilleratu según la modalidá ya itinerariu realizáu. Cada exerciciu de la fase d'accesu va calificar de 0 a 10 puntos. La calificación d'esta fase va ser la media aritmética de les calificaciones llograes en caúna de les materies, espresada nuna escala de 0 a 10 puntos con trés cifres decimales y arrondada a la milésima. Esta calificación tendrá de ser igual o superior a 4 puntos pa faer media cola calificación final del bachilleratu. La nota de la EBAU va calcular en base a un 60% de la calificación final del Bachilleratu y un 40% de la calificación de la fase d'accesu de la prueba. va entendese qu'un estudiante axunta los requisitos d'accesu cuando la resultancia d'esta fórmula sía igual o superior a 5 puntos. La nota máxima nesta fase ye de 10 puntos.

Aquellos estudiantes que quieran xubir nota p'aportar a los sos estudios universitarios tendrán de presentase amás a la fase d'almisión. Va Consistir na evaluación de les materies d'opción del bloque d'asignatures troncales de segundu cursu de Bachilleratu. Les materies d'esta fase nun riquir ser cursaes nel Bachilleratu pa ser evaluaes na prueba y los estudiantes podrán esaminase d'un máximu de cuatro asignatures. La nota final una vegada realizaes dambes fases (accesu y almisión) va algamar un máximu de 14 puntos.

Como novedá, anguaño hai diez asignatures nueves procedentes del Bachilleratu d'Artes y del Bachilleratu Xeneral. Los estudiantes que realicen la prueba de Dibuxu Artísticu van ser distribuyíos nos siguientes allugamientos: Edificiu Departamental del Campus Humanidaes (Uviéu), Edificiu Polivalente del Campus de Viesques (Xixón), IES Ramón Menéndez Pidal (Avilés), IES Bernaldo de Quirós (Mieres), IES Jerónimo González (Sama de Llangréu), IES Avelina Cerra (Ribesella) y nel IES Carmen y Severu Ochoa (L.luarca).