Un trabayu sobro la salú físico y mental del alumnáu d'un centru educativu y otru sobro la sensibilidá del estudiantáu y de les persones mayores escontra'l reciclaje fueron estremaos colos premios de la décima convocatoria de la fase asturiana de la Incubadora de Sondeos y Esperimentos, el concursu qu'entama cada añu'l Departamentu d'Estadística ya Investigación Operativa de la Universidá d'Uviéu.

El xuráu d'estos premios alcordó declarar ganadores de la fase asturiana del concursu a los siguientes equipos.

Categoría B (Alumnáu de terceru y cuartu de la ESO y FB básica)

El trabayu ganador lleva por títulu ¿Tamos tan saludables como creemos? y foi presentáu pol IES Escultor Juan de Villanueva (Pola de Siero). Los sos autores son los alumnos Adrián Rodríguez García, Olaya Rodríguez Sanz y Simón Suárez Noval, que fueron tutorizados poles profesores Sara Álvarez Morán y Sara Suárez Fernández.

Nesti trabayu, el autores estudien la salú físico y mental de los alumnos del centru. Pa ello, fixeron xuna encuesta por aciu l'aplicación web Forms na que recoyeron información sobro dieta alimenticia, sustances non saludables (bébores enerxétiques, tabacu, alcohol), hores de suañu, según l'apreciación personal de la so condición física. Estudiaron les diferencies que s'aprecien nos distintos cursos y dexaron abiertu l'estudiu pos recoyeron muncha información que, por falta de tiempu, nun analizaron pa esti trabayu.

Categoría C (Alumnáu de primeru y segundu de Bachilleratu y ciclos formativos de Grau Medio)

El trabayu premiáu, col títulu Cachalotes Verdes, foi presentáu pol IES Rosario Acuña (Xixón). Son los sos autores los alumnos Álvaro Castañu Fernández, Carla Franganillo Sieiro, Cristina Ordiz Fernández, Pablo Ramos Cuiñas y Horea Alexandru Tecar, que fueron asistíu polos profesores Juan Antonio Martínez Calvete y Susana García Casáu como tutores.

Nesti trabayu, estúdiase la sensibilidá escontra'l reciclaje, tantu ente alumnos del centru como con una asociación de persones mayores. En dambos casos, l'estudiu recoyó información antes y dempués de que los dos colectivos recibieren xunas charres de concienciación y comprobóse tanto les diferencies debíes a la edá, como la influencia que tuviera na concienciación y la impartición de les charres.

Los grupos ganadores de caúna de les categoríes representen a Asturies na docena convocatoria de la fase nacional del concursu, qu'anguaño tien llugar en Zaragoza, entamada pola Universidá de Zaragoza, na que van competir con el ganadores de les demás fases autonómiques.

Los responsables de la fase asturiana del concursu, el profesores de la Universidá d'Uviéu  Antonia Sales Riesgu y Manuel Montenegro Hermida, espliquen que'l xuráu valoró principalmente cuestiones como la orixinalidá de la tema escoyida, la claridá na esposición d'oxetivos, fases del proyectu y resultancies, la correcta aplicación de les técniques estadístiques, les conclusiones y analís críticu del proyectu, l'informe final  y l'innovación na presentación de resultancies.