Los trés escurres escoyíes para la fase d'incubación de la tercer edición del programa Ecosystem Integration TalentUO Lab son un proyectu de moda urbana, una plataforma ‘non-code’ basada en IA y un asistente telefónicu intelixente para xestionar les reserves de restoranes | El rector, Ignacio Villaverde, y el vicerrector d'Estudiantes y Empleabilidá, Alfonso López Muñiz, dieron la bienvenida a la xornada na que se presentaron los dolce escurres que participaron na primer fase del programa | Los trés escurres escoyíes van tener mentorización y un sofitu económicu para desenvolver el so proyectu d'hasta 10.000 euros
La tercer edición del programa Ecosystem Integration TalentUO Lab, un llaboratoriu d'esperimentación ya innovación que naz gracies a un conveniu de collaboración ente la Universidá d'Uviéu y Banco Santander, escoyó esti xueves les trés propuestes que van pasar a la fase d'incubación. Los proyectos Localnv, InfOne y Arkai fueron los escoyíos ente un total de dolce propuestes presentaes pa recibir mentorización y un sofitu económicu pal so desenvolvimientu d'hasta 10.000 euros.
El xuráu tuvo integráu por Susana Pérez López; directora de la área d'Empleabilidá y Emprendimiento; Paz Valdés Fernández, responsable d'Instituciones n'Asturies del Banco Santander; el coordinadores del llaboratoriu, el profesores Andrea Martínez Noya y Vanesa Solís Rodríguez; y los mentores Norman Suarez González y José Javier Gómez Díaz. En conociendo con detalle tou les propuestes presentaes, destacaron l'altu grau de proyección de les idees escoyíes, según les posibilidaes pa llevase a cabu.
El rector de la Universidá d'Uviéu, Ignacio Villaverde, y el vicerrector d'Estudiantes y Empleabilidá, Alfonso López Muñiz, fueron los encargaos de dar la bienvenida a los participantes y sorrayaron la calidá de los proyectos presentaos, animando a los equipos a siguir desenvolviendo les sos idees fueren o non les escoyíes.
Les propuestes que van llegar a la fase d'incubación son les siguientes:
- Localnv: un proyectu de moda urbana enfocáu nel diseñu y l'estampación de prendes que va cuntar con un serviciu d'edición y dirección de vídeos, desenvueltu por Enol Novo.
- Arkai: xuna plataforma non-code que dexa crear, compartir y esplegar fluxos de trabayu basaos en componentes d'intelixencia artificial. Los sos impulsores fueron Enzo Barbón y Pablo López.
- InfOne: Un asistente telefónicu intelixente diseñáu pa optimizar la xestión de llamaes en restoranes, que foi impulsáu por Martín Hidalgo, xuntu con Antonio Blanco, Daniel Alonso, Álvaro Fernández y Carlos Cárdenes.
El Ecosystem Integration TaleantUO Lab surdió va dos años coles mires d'espertar l'espíritu entamador, participativu, y creativu de los estudiantes, según fomentar la so interrellación colos axentes de la redolada. El llaboratoriu dexa que xuna primer idea pueda tresformase nun proyectu empresarial vidable, ufiertando a los participantes orientación, recursos y soporte por que puedan desapegar con enfotu.
Esti proyectu nació del alcuerdu de collaboración que la Universidá d'Uviéu y Banco Santander caltienen dende 2005 al traviés de Santander Universidaes pa impulsar programes de formación y beques, emprendimiento y empleabilidá pa la comunidá universitaria. Santander caltien un firme compromisu col progresu y la crecedera inclusivo y sostenible con un apueste pionero y consolidao pola educación, la empleabilidá y el emprendimiento, que desenvuelve dende fai más de 27 años y estrémalu del restu d'entidaes financieres del mundu. El bancu destinó más de 2.300 millones d'euros y apurrió más de 1,5 millones d'ayudes a persones y empreses al traviés d'alcuerdos con más de 1.200 universidaes y organizaciones (www.santander.com/universidaes).
