Una investigación de la Universidá d'Uviéu analizó los efectos de l'altitú sobro la capacidá reproductora de los grillos campestres nos montes d'Asturies. Les resultancies d'esti trabayu revelaron que, en contra de lo que cabía esperar, nun apaecieron diferencies significatives ente poblaciones de grillos qu'habiten n'altitúes baxes y altes. Esti afayu suxure xuna tolerancia de la especie a les variaciones ambientales. El trabayu foi publicáu en PLoS ONE, xuna revista científica d'accesu abiertu especializada en ciencia y medicina.

La investigación foi liderada por David Martínez Viejo, un mozu uvieín graduáu en Bioloxía pola Universidá d'Uviéu, y especializáu n'Ecoloxía pola Universidá Autónoma de Madrid y la Complutense; Rolando Rodríguez Muñoz, investigador de la universidá británica de Exeter, y Alfredo Fernández Ojanguren, investigador y profesor del Departamentu de Bioloxía d'Organismos y Sistemes de la Universidá d'Uviéu.

El autores del trabayu estudiaron cómo les característiques arreyaes na reproducción, como'l tamañu del güevu o'l númberu de güevos, pueden trate afectaes polos cambeos altitudinales en poblaciones del grillu campestre (Gryllus campestris). Con esti oxetivu, analizaron poblaciones de distintes altitúes na rexón cantábrica pa evaluar l'efectu de factores ambientales, como la temperatura, sobro'l tamañu de les femes, el pesu de los güevos y la tasa de puesta, controlando tamién el tamañu de les femes. 

“Les nueses resultancies son en ciertu mou sorprendentes, yá que podría esperase que los individuos de zones altes viérense afectaos na so reproducción al vivir en condiciones más dures”, destaca Martínez Viejo. Esti investigador esplica que la hipótesis que remanó l'equipu ye que los grillos podríen variar la so fecundidá y el tamañu de los güevos, dependiendo de l'altitú na que viven, pa poder reproducise con ésitu. “Los organismos plásticos tienen mayores probabilidaes de supervivencia en redolaes variaes”, añede. 

¿Por qué estudiar estos insectos? 

Rolando Rodríguez Muñoz, coautor del artículu, esplica qu'esta especie de grillu ye un bon modelu pa estudiar cómo distintes condiciones ambientales afecten a calteres clave, como'l tamañu y la fecundidá, yá que viven nun rangu d'altitú que va dende'l nivel del mar hasta los 1.500 metros. “Poner güevos de mayor tamañu puede dir acomuñáu a un menor númberu de güevos, y esti balance podría variar si, por casu, güevos de mayor tamañu tienen mayor supervivencia cuando les condiciones ambientales varien”, indica.

Alfredo Fernández Ojanguren destaca, pela so parte, que la razón de ser d'esti estudiu va más a allá d'estos pequenos insectos, que dependen del clima pa regular la so temperatura corporal. “A la fin, tolos animales y plantes tán afectaos pola variación de temperatura a distintes altitúes, lo que repercute na so crecedera y en cómo compiten por recursos”, manifiesta esti investigador. “Esto esplica que les zones montascoses sían un llugar ideal pa estudiar los efectos del cambéu climáticu”, resalta. 

El autores conclúin que, pel momento, hai pocos estudios qu'analicen cómo camuda la fecundidá y el tamañu de los güevos en poblaciones d'insectos de distintes redolaes térmiques, lo que resulta necesariu pa conocer cómo s'afaen a la variabilidá climática. Ye relevante, poro, investigar más sobro estes cuestiones pa conocer el futuru de les especies nel contestu climáticu que vivimos.
 

Referencia

Martínez-Viejo D, Rodríguez-Muñoz R, Ojanguren AF (2024) Altitudinal variation in reproductive investment among Gryllus campestris populations. PLoS ONE 19(10): e0312048. https://doi.org/10.1371/journal.pone.0312048