La Universidá d'Uviéu va presentar el xueves, 28 de payares, los dolce escurres escoyíes que participaron na primer fase d'esta tercer edición del Ecosystem Integration TalentUO Lab, un llaboratoriu d'esperimentación ya innovación que naz gracies al conveniu de collaboración ente la Universidá d'Uviéu y Banco Santander. El principal oxetivu d'esti llaboratoriu ye'l diseñu de prototipos y dar forma a idees nun procesu d'esperimentación y aprendizaxe que'l so fin ye contribuyir a la creación o aceleración de start-ups pa fomentar el emprendimiento naciente na mesma universidá y sofitar el emprendimiento activu.

Les dolce idees de les que se van escoyer los trés  qu'opten a la fase d'incubación, qu'inclúi amás de mentorización xuna ayuda económica d'hasta 10.000 euros pa la puesta en marcha del negociu, van ser defendíes polos sos promotores na Aula Gradiada del Edificiu Históricu de la Universidá d'Uviéu, a les 17:00 hores del próximu xueves, nun actu que va cuntar cola presencia Ignacio Villaverde, rector de la Universidá d'Uviéu, y Alfonso López Muñiz, vicerrector d'Estudiantes y Empleabilidá. El xuráu va tar integráu por Susana Pérez López; directora de la área d'Empleabilidá y Emprendimiento; Paz Valdés Fernández, responsable d'Instituciones n'Asturies del Banco Santander; el coordinadores del llaboratoriu, el profesores Andrea Martínez Noya y Vanesa Solís Rodríguez; y los mentores Norman Suarez González y José Javier Gómez Díaz. 

Les propuestes son les siguientes y dan cuenta del muncho talentu que ye capaz de xenerar la Universidá d'Uviéu:

Reality Scape. Xuegu de cartes coleccionable que combina la conocencia filosófica con riegles y sistemes que fomenten la interacción ente el xugadores.
Localnv. Proyectu de moda urbana enfocáu nel diseñu y estampación de prendes, con servicios d'edición y dirección de vídeos.
Arkai. Plataforma non-code que dexa crear, compartir y esplegar fluxos de trabayu basaos en componentes d'intelixencia artificial.
ShopSmart. Aplicación intelixente qu'optimiza les compres en supermercaos al comparar precios, distancia y disponibilidad de los productos, ufiertando encamientos personalizaos y ayudando a maximizar l'aforru de los usuarios.
Accessity. App de saléu pa persones con movilidá amenorgada que, por aciu reportes comuñales de torgues y zones inaccesibles, calcula rutes segures pa una movilidá inclusiva y accesible na ciudá.
ForgottenPills. Sistema de control, dispensación de medicación y emerxencies.
InfOne. Asistente telefónicu intelixente diseñáu pa optimizar la xestión de llamaes en restoranes.
Pirca Brick. Recueya de basura testil y fabricación de moblame y construcciones efímeres qu'utilicen el conceutu de la neuro arquitectura.
EasyJobs. Aplicación móvil pa la busca d'empléu interactiva y senciella.
DocCell. Proyectu especializáu nel arreglu y sustitución de bateríes eléctriques en vehículos. (multimarca) (vehículos eléctricos, híbridos y híbridos enchufables).
Consultoría especializada en optimización. Consultoría pa la optimización de procesos al traviés de la intelixencia artificial
Carbon-Neutral Living Planner App for a Sustainable City. Plataforma diseñada para empoderar a los residentes urbanos a llevar vides ambientalmente conscientes mientres amenorguen significativamente la so buelga de carbonu.

El Ecosystem Integration TaleantUO Lab surdió va dos años  coles mires d'espertar l'espíritu entamador, participativu, y creativu de los estudiantes, según fomentar la so interrellación colos axentes de la redolada. El llaboratoriu dexa que xuna primer idea pueda tresformase nun proyectu empresarial vidable, ufiertando a los participantes orientación, recursos y soporte por que puedan desapegar con enfotu.

Esti proyectu nació del alcuerdu de collaboración que la Universidá d'Uviéu y Banco Santander caltienen dende 2005 al traviés de Santander Universidaes pa impulsar programes de formación y beques, emprendimiento y empleabilidá pa la comunidá universitaria. Santander caltien un firme compromisu col progresu y la crecedera inclusivo y sostenible con un apueste pionero y consolidao pola educación, la empleabilidá y el emprendimiento, que desenvuelve dende fai más de 27 años y estrémalu del restu d'entidaes financieres del mundu. El bancu destinó más de 2.300 millones d'euros y apurrió más de 1,5 millones d'ayudes a persones y empreses al traviés d'alcuerdos con más de 1.200 universidaes y organizaciones.

Pie de semeya: visita institucional na edición del pasáu añu.