Alumnos que formen a alumnos para amontar la sensibilidá sobro les quemes forestales. Este ye unu de los oxetivos d'un innovador proyectu educativu frutu de la collaboración de la Universidá d'Uviéu y l'Institutu Mistu d'Investigación en Biodiversidá (CSIC-Universidá d'Uviéu-Principáu d'Asturies). Llantando cara al fueu, qu'asina se llama la iniciativa, escuerre aumentar el grau se sensibilización coles quemes naquelles árees rurales potencialmente afectaes.

El proyectu apuesta pol aprendizaxe-serviciu, un métodu educativu que pon en contactu a los estudiantes, nesti casu de la Universidá d'Uviéu, con miembros de les comunidaes afectaes y otros axentes sociales venceyaos al fenómenu de les quemes. La iniciativa cunta con financiamientu del Fondu Español pa la Ciencia y la Tecnoloxía (FECYT), y nél participen 11 comunidaes autónomes.

El investigadores José Valentín Raspies (Universidá d'Uviéu) y Antonio Girona (CSIC) espliquen que Llantando Cara al Fueu busca entender la problemática sobro'l terrén y xenerar soluciones colectives qu'atiendan les necesidaes reales d'esti complexu problema. Magar les meyores científiques de los últimos años n'aspeutos como la prevención, la detección o la restauración d'espacios quemaos, el so implementación práctica ye llindada por cuenta de la falta de tresferencia de conocencies y l'implicación ciudadana.  

Pa faer frente a esti desafíu, el proyectu pon en contactu a centros educativos y d'investigación con alministraciones públiques, propietarios, entidaes privaes o ONGs en 11 comunidaes autónomes, onde se lleven a cabo actividad de prevención, restauración, formación y divulgación sobro quemes. 

Actividaes n'Asturies
Dalgunes de les actividaes enmarcaes nel proyectu desenvolviéronse yá mientres esta primavera. Asina, nel conceyu de Sobrescobiu, tuvo llugar l'acción Semando esperanza: restaurando la naturaleza y previniendo quemes. Estudiantes del Grau n'Inxeniería Forestal y del Mediu Natural y del Máster en Geotecnología y Desenvolvimientu de Proyectos SIG del Campus de Mieres esplicaron a escolares de Primaria la importancia de los montes, los impactos de les quemes, los usos correctos del fueu y la restauración de zones quemaes. Esta actividá tuvo llugar en zones de Sobrescobiu afectaes por quemes na postrera gran folada. Asistieron un total de 38 neños y 5 docentes del Colexu Rural Arrexuntáu Alto Nalón (conceyos de Llaviana y Sobrescobiu) al pie de dos axentes del Mediu Natural y 1 técnicu EPRIF (Equipos de Prevención Integral de Quemes Forestales). Los participantes tuvieron ocasión d'aldericar sobro'l terrén los diversos efectos que les quemes pueden tener sobro los ecosistemes, les sos principales causes, y cómo pueden xestionase les zones quemaes. L'actividá remató con un plantíu d'especies frondosas (carbayos, rebollos, castañales y abedurios) per parte de los estudiantes. Los árboles fueron vencíos pol viveru forestal del Matu (Conseyería de Mediu Rural y Cohesión Territorial).

Aprender a convivir sobro'l fueu

La edición actual del proyectu va rematar esti branu cola celebración d'un taller internacional sobro innovación educativa p'aprender a convivir coles quemes forestales en Santiago de Compostela los díes 12, 13 y 14 de xunetu de 2023. El lema respuende a la necesidá de xenerar estratexes estables qu'ayuden a prevenir les quemes y amenorgar los sos impactos.

 “Tenemos que considerar que les quemes, el mayor problema ambiental d'España, nun son un fechu puntual, sinón que les actuales condiciones climátiques y otros aspeutos socioeconómicos faen que'l problema perpetuárase,” indica Agustín Merín, coordinador del proyectu Llantando cara al fueu na Universidá de Santiago de Compostela. “Al igual que xuna rexón afectada polos terremotos debe de convivir con esi problema, nós tenemos de faelo les quemes.”

L'oxetivu d'esti taller prácticu ye la busca de nueves fórmules y modelos pa formar y sensibilizar a la población, amontando la implicación ciudadana y la tresferencia de conocencies, yá que se demostró qu'estos factores contribúin a amenorgar l'escurrimientu de quemes. Pa ello, les xornaes busquen ser un puntu d'alcuentru de toos aquellos comenenciudos o venceyaos a sectores como la innovación educativa, la educación ambiental, la xestión forestal o la prevención de quemes, ente otros.

Les inscripciones yá tán abiertes pa esti eventu que va cuntar con meses redondes interactivas, sesiones de brainstorming, actividaes de campu y talleres de gamificación, innovación pedagóxica o creación de materiales audiovisuales, según xuna charra plenaria al cargu de Laura Bertha Reyes Sánchez, presidenta de la Organización Internacional de Ciencies del Suelu. Van Intervenir miembros de distintos colectivos: la Xunta de Galicia, ONGs ambientales y sociales, propietarios, investigadores, profesores y estudiantes. El programa completu puede consultase na páxina web del proyectu.