Los próximos días 22 y 23 de payares van celebrar na Sala de Conseyos del Departamentu de Filoloxía Española (Facultá de Filosofía y Lletres, Universidá d’Uviéu) les Xornaes «Nueves llendes na filoloxía asturiana». La inauguración va tener llugar a les 9:30 hores del miércoles. La investigación nel ámbitu de la llingua y lliteratura asturiana camina acordies coles tendencies más avanzaes de la filoloxía y llingüística d’esti momentu históricu. Nestes xornaes faise un averamientu a cuatro grandes temes: (1) la relación ente la llingüística y les ideoloxíes; (2) los nuevos horizontes na investigación gramatical asturiana; (3) el contactu ente l’asturianu y otres llingües; y (4) l’allugamientu de la lliteratura asturiana nel mundu hispánicu. Ábrense les xornaes con una conferencia del romanista José Enrique Gargallo, de la Universitat de Barcelona; y zárrase cola conferencia de Javier Giralt Latorre, presidente de l’Academia Aragonesa de la Lengua.