La Universidá d'Uviéu ye, por tradición, ún de los motores culturales d'Asturies. Al traviés de la so Estensión Universitaria, la institución académica programa una intensa axenda d'actividaes gratuites que ponen al alcance de toos música, teatru, conferencies, esposiciones y cine.

Fai más d'un sieglu qu'un grupu d'intelectuales de la Universidá d'Uviéu, conocíu como Grupu d'Uviéu, siguiendo un modelu que yá se daba n'otros países europeos, dio l'impulsu inicial nel nuestru país a la Estensión Universitaria como una vía p'abrir la universidá y facer accesible’l conocimientu al conxuntu de la sociedá. El so llegáu estiéndese por toa España y Iberoamérica y, agora, el papel de les universidaes na vida cultural ye cada vez más activu y importante.

Cola vocación de tender pontes y estrechar llazos, la Universidá d'Uviéu colabora con distintes instituciones públiques y privaes pa organizar distintos eventos a lo llargo del añu, que traten de llegar a tolos rincones de la rexón.

Un bon exemplu d'esta colaboración son les actividaes que la Universidá d'Uviéu desarrolla cola Fundación Princesa d'Asturies. Cada añu, distintes sedes de la institución académica acueyen actos de relevancia internacional. Poles aules y los edificios de la universidá pasaron un bon grupu de los galardonaos coles Princesa d'Asturies. Ye'l casu, por citar solo dalgunos d'ellos, del físicu Hugh Herr, el poeta y cantautor Leonard Cohen, la historiadora Mary Bird, los descubridores del Bosón de Higgs; el padre del xenoma neandertal, Svante Pääbo; el sociólogu Michael J. Sandel o la filósofa Gloria Steinem.

La innovación cultural ye ún de los sellos d'identidá dende hai más d'un sieglu dende que’l Grupu d'Uviéu punxera en marcha la Estensión Universitaria. Güei, la universidá ye ún de los más relevantes motores culturales na rexón con una ufierta universal y gratuita d'actividaes

L'Edificiu Históricu, un imponente inmueble situáu nel corazón d'Uviéu, ye'l marcu ideal pa la celebración d'esposiciones, conferencies, debates, actos académicos, ciclos de cine, conciertos y tamién pa impartir la docencia de gran parte de les aules especializaes abiertes a la sociedá.

Pero'l compromisu de la Estensión Universitaria nun se limita a les grandes ciudaes d'Asturies, Uviéu, Xixón y Avilés. El programa cultural de la universidá apuesta por llevar una ufierta variada a localidaes más pequeñes y alloñaes de los centros urbanos. Los ciclos de conferencies, teatru y conciertos de coru y orquesta lleguen al oriente y occidente asturianos de la mano d'universidá, de la mano de la programación continuada de l'Aula Valdés Salas (Salas), la Casa de La Buelga (Ciañu) y la collaboración permanente cola Fundación José Cardín Fernández (Villaviciosa) y la Fundación Valdés-Salas (Salas)

La innovación cultural ye otru de los sellos d'identidá de la Universidá d'Uviéu. Al traviés de la so galería virtual, GAUDEO, la institución académica asturiana convirtióse nun referente a la hora de valorizar el so patrimoniu artísticu de más de cuatro sieglos d'historia. GAUDEO punxo al serviciu d'investigadores y gran públicu los tesoros artísticos de la institución nun ambiciosu proyectu basáu na última tecnoloxía.